24 Venres Feb 2012
Publicado en Novas
O pasado venres 3 de febreiro Os Sete Magníficos máis Un estivemos en vivo e en directo no programa Luar para participar no Concurso OS HUMOROSOS.
Premendo a seguinte ligazón podes ver a nosa intervención co noso sketch CITA PREVIA.
Os sete magníficos máis un: “Cita previa” | Á carta | CRTVG.
16 Xoves Feb 2012
Publicado en Novas
Despois de 20 intensas horas, este pasado mércores 15 de febreiro rematou o Curso de Teatro e Comedia que Fran Rei (Os Sete Magníficos máis Un) compartíu con quince alumnos e alumnas do IES Val do Tea de Ponteareas (Pontevedra)
O vindeiro luns 12 de marzo, @s participantes nesta actividade formativa farán unha demostración pública de fin de curso para alumnos, alumnas e mestres de 2º da ESO.
Se queredes ver unha breve reportaxe fotográfica do que deu de si este obradoiro, premede na seguinte ligazón: Teatro e comedia na biblioteca | BiblioTea.
13 Luns Feb 2012
Publicado en Novas
O curso de Xogo Teatral impartido por Fran Rei (Os Sete Magníficos máis Un) no IES A Sangriña de A Guarda (Pontevedra) esta fin de semana reuníu a 20 persoas.
Aquí tedes unha reportaxe fotográfica de infomiño.com do mesmo.
06 Luns Feb 2012
Publicado en Novas
Fran Rei compartirá un Curso de Xogo Teatral os días 10, 11 e 12 de febreiro cos alumnos e alumnas do IES A Sangriña de A Guarda (Pontevedra).
Neste obradoiro proponse o teatro como un xogo, buscando a través de diferentes dinámicas o achegamento dos/as participantes á arte dramática desde un punto de vista principalmente lúdico.
Esta será o cuarto curso consecutivo no que Fran Rei visita este activo centro de ensino do Baixo Miño e, como en ocasiones anteriores, a actividade está aberta tanto a alumnos/as como a mestres e mestras.
03 Venres Feb 2012
Publicado en Novas
Os membros de Os Sete Magníficos máis Un, Iván Prado (director artístico), Pedro Brandariz (actor) e Fran Rei (actor e coordinador), forman parte do equipo de docentes dos cursos de Monitores/as da Risa da Escola Risoterapia.
Para obter máis información: http://www.risactiva.org
Curso Risactiva A Coruña: do 16 de marzo ao 13 de maio de 2012.
Curso Risactiva Santiago de Compostela: do 13 de outubro ao 2 de decembro de 2012.
02 Xoves Feb 2012
Publicado en Novas
Os Sete Magníficos máis Un participan no Concurso de Comedia de Luar.
Este venres 3 de febreiro Os Sete Magníficos máis Un pásanse ao Lado Escuro para participar no Concurso de Comedia do popular espazo da TVG Luar.
Faremos un extracto de 3 minutos (non nos deixan máis) do noso espectáculo O Gordo e o Calvo van ao Médico.
Agardemos que gostedes da nosa intervención no programa de X. R. Gayoso…
30 Luns Xan 2012
Publicado en Novas
Risactiva é un proxecto que aposta pola RISOTERAPIA e a dinámica da risa desde un enfoque global e holístico, a través dun camiño directo ao corazón humano, onde estamos invitados a sentir, a expresar nun mundo de posibilidades e de creatividade.
Haberá dúas quendas: marzo, abril e maio en A Coruña e outubro, novembro e decembro en Santiago de Compostela.
Para máis información e inscricións preme a seguinte ligazón:
16 Luns Xan 2012
Publicado en Novas
Este mércores 14 de xaneiro dá comezo o Curso de Teatro e Comedia que Fran Rei (Os Sete Magníficos máis Un) compartirá cos alumnos, alumnas, mestres e mestras do I.E.S. Val do Tea (Ponteareas).
O obradoiro levarase a cabo os mércores 18 e 25 de xaneiro e 1, 8 e 15 de febreiro, de 16.00 a 20.00h, e contará con 20 participantes da comunidade escolar do Instituto.
Con esta iniciativa procuraremos un achegamento ao teatro cómico e aos codigos básicos da comedia, así como a posta en escena de sketches cómicos. O obxectivo final deste curso será proporcionar aos participantes ferramentas teatrais para crear sinxelas escenas cómicas en torno á educación secundaria e universitaria que permitan unha reflexión e debate posterior entre o alumnado dos I.E.S. Val do Tea.
Fran Rei acude por segunda vez á chamada deste centro de ensino, tras unha primeira e moi satisfactoria experiencia en 2011 cando impartíu un Curso de Iniciación ao Clown.
13 Venres Xan 2012
Publicado en Axenda
Os Sete Magníficos máis Un
Espectáculo: Dous Pallasos en Apuros
Data: venres 27 de xaneiro de 2012
Lugar: Casa da Cultura de Miladoiro (Ames)
Hora: 18.30h
Prezo entrada: 4 € (2 € para nen@s)
13 Venres Xan 2012
Publicado en Novas
Preséntase a Escola Internacional da Comicidade.
Galicia, do 1 de outubro ao 9 de novembro de 2012.
Toda a información e inscricións en www.escueladelacomicidad.org
Este proxecto nace con vontade de permanencia no panorama internacional de escolas teatrais centradas no humor. Xorde da necesidade de Antón Valén e Iván Prado (director artístico de Os Sete Magníficos máis Un), que deciden achegar a súa experiencia no campo do clown e o humor para se sumaren ao impulso inaprazable de xerar unha nova pedagoxía teatral que coloque o clown no centro da formación cómi
A Escola Internacional da Comicidade pretende ser un laboratorio capaz de xerar presenza escénica, verdade na actuación, efectividade creativa e comicidade. Así mesmo, pretende formar actores e actrices para que estean preparados para convencer a calquera público en calquera espazo teatral, xa sexa rúa ou teatro.
O obxectivo da Escola non é ensinar un camiño único da comicidade, senón xerar un espazo de formación e investigación que dá oportunidade para que o actor/actriz poida atopar cal é a súa propia ruta. Ademais, procura dignificar o traballo do comediante mediante unha formación baseada na experiencia e no estudo das diferentes expresións artísticas que conforman o universo do humor e o riso a través do teatro.
A escola ten dúas sedes, unha insular -Tenerife- e, outra peninsular -Galicia-, e realízase en dúas estacións diferentes, verán -Tenerife- e outono -Galicia-, para facilitar a asistencia dos e das estudantes ao curso de formación.
